Vá ! Hvað er í gangi !

Miðað við fyrirliggjandi upplýsingar verða hér til fleiri spurningar en svör.

Jóhannes og aðrir stjórnendur "fá að kaupa" 15% í fyrirtækinu !   Hvernig er sú % fengin út ?

Af hverju ekki 5%, 10% eða e-ð allt annað ?   Hvað felst í :"fá að kaupa"?

Hvað verður um áhvílandi skuldir til langs tíma eða rekstrarskuldir upp á tugi milljarða,  verða þær afskrifaðar eða færðar niður ?  Hvað verður um persónulegar ábyrgðir eigenda á skuldunum?  Eiga væntanlegir kaupendur ekki að vita hvort skuldir eru með í sölunni?

Er nokkuð sem kemur í veg fyrir að nákvæmlega sömu fyrri eigendur geti keypt með t.d. gamla "brýninu" kennitölusöfnun, og fengið aftur yfirráð yfir fyrirtækinu, það þarf ekki svo mörg % til þess að ná  meirihluta?   Já, eða fengið lán hjá Arion til hlutabréfakaupa?

Fjöldi fyrirtækja eru í nákvæmlega sömu stöðu.   Hér er verið að gefa fordæmi fyrir því hvernig

þeirra viðfangsefni verða meðhöndluð !

Ekki er hún traustvekjandi yfirlýsingin frá Arion.  Engar nákvæmar upplýsingar gefnar, og

bankastjórinn biðst t.d. undan viðtali við Kastljós.

 

 

Mun styrkja hlutabréfamarkað

Athugasemdir

[B.N. (IP-tala skráð) 4.2.2010 kl. 21:23]

Morgunblaðið fimmtudaginn 28. apríl, 2005 - Aðsent efni

Gróði af stjórn

Baldvin Nielsen

Baldvin Nielsen fjallar um sölu Símans: "Ég tel skynsamlegast að þjóðin haldi í grunnnetið og það verði ekki selt með Símanum..."

ÞAÐ hefur eflaust ekki farið fram hjá neinum fjaðrafokið út af fyrirhugaðri sölu á Símanum. Þessi gullgæs hefur frá upphafi verpt eggjum fyrir sameiginlega sjóði og með því lækkað tekjuskattinn beint og óbeint á almenning samhliða því að vera einn af okkar þörfustu þjónum frá því að hestar voru aflagðir sem slíkir á síðustu öld.

Nú stendur til að selja gæsina góðu og fá hana til að verpa út um holt og heiðar, eða svo er sagt.

Einkavæðingarnefnd ríkisstjórnarinnar hefur ákveðið að enginn einn aðili eða skyldir hagsmunaaðilar megi eiga meira en 30% atkvæða í Símanum.

Hér mætti spyrja hvað það sé sem hangi á spýtunni fyrir fjárfestana sem bíða eftirvæntingarfullir að komast yfir Símann?

Flestir eru því sammála, að til að stjórna fyrirtæki, þurfi aðilar að hafa forráð yfir meira en helmingi hlutabréfa. Sérstaklega á þetta við um lítil fyrirtæki sem fáir hluthafar eiga en ekki sjálfgefið um stóru fyrirtækin.

Þar nægir oft einum aðila að eiga 10%-15% til að stjórna því einn.

Aðrir hluthafar eru svo miklu minni og eiga því erfiðara með að halda hópinn til að gæta hagsmuna sinna.

Sem dæmi getur einn maður með milljarð króna í hlutabréfum komist í þá aðstöðu að stjórna 20 milljörðum sem eru í raun eign fjöldans innan fyrirtækisins.

"Gróði af stjórn" getur því hlaupið á tugum og upp í hundruð prósenta með alls kyns fríðindum, góðum starfslokasamningum fyrir sjálfan sig, samráði um upplýsingar af verðbréfamörkuðum, hrossakaupum við tengd fyrirtæki og síðast en ekki síst með því að ná sér í greiðslur fyrir sérstaka þjónustu. Hinir venjulegu hluthafar sjá hins vegar sjaldan hærri tölur en 5% til 15% sem tekjur af sinni fjárfestingu.

Ég tel skynsamlegast að þjóðin haldi í grunnnetið og það verði ekki selt með Símanum til að tryggja samkeppni út frá jafnræðisreglunni.

Það er full ástæða til að óttast um hag landsbyggðarinnar að hún verði látin sitja á hakanum ef gróðinn er ekki ásættanlegur fyrir milljarðamæringana eins og dæmin sanna.

Höfundur vill enda þessar vangaveltur með því að taka undir orð hæstvirts utanríkisráðherra Davíðs Oddssonar sem segir það varasamt fyrir fólk að taka lán vegna kaupa í Símanum.

Höfundur Baldvin Nielsen Reykjanesbæ

[Gísli Foster Hjartarson, 4.2.2010 kl. 21:27]

Sæll Hilmar
Takk fyrir innlitið. Get svo sem alveg tekið undir allt sem að þú segir. Þessir hlutir verða að vera klárir þegar sala hefst svo fólk viti nú hvað er í gangi. Tek heilshugar undir þetta. En hvika ekki frá því að þetta er skárra heldur en að gera eins og virðist vera að gerast, afskriftir á afskriftir ofan og svo gömlu eigendurnir komnir með lyklana aftur. Þetta er snöggtum skárra en menn verða að gera hreint fyrir sæinum dyrum áður en sala hefst og þar sé ég kannski smá tækifæri.
bestu kveðjur

[Hilmar Sigurðsson (IP-tala skráð) 4.2.2010 kl. 21:58]

Jamm, eeeen málið er einmitt þetta: fara afskriftir í gang og á hverju og hverjum, og er nokkuð, sem kemur í veg fyrir að fyrri eigendur nái aftur meirihluta?

Kveðja

Hilmar

[Sigurður Haraldsson, 5.2.2010 kl. 00:01]

Varúð hætta á ferð! Treysti ekki banka.